གནམ་སྔོན་པོ། སྤྲིན་དཀར་པོ།
ལྷོ་རླུང་གི་གྲང་རླུང་རེ་རེ་རྡེབ་དུས།
སེམས་པའི་ཁྲལ་ཁྲུལ་བཟོས་རྐྱེན་གྱིས།
མིག་མདུན་གྱི་ཅ་དངོས་མང་པོ་ཞིག་ནི་སྐྱུག་བྲོ་བ་ལའང་།
དུས་ཚིགས་འདི་དག་ལ།
གནམ་སྔོན་པོར་སྤྲིན་དཀར་པོ་རྒྱུ་དུས།
སེམས་ཡན་ཞིག་གིས་ད་གཟོད་མལ་ལས་ལང་དགོས་པའི་སྐུལ་བརྡ་གཏོང་།
ཚ་གདུག་གིས་འཇོམས་པའི་སྔོ་ལྗང་དེ་ཚོ་མགོ་བོ་དུད་ནའང་།
སྤྲིན་དཀར་ཕུང་པོ་ཁོ་ན་དལ་བྲེལ་མེད་པར་རྒྱུ་སྟངས་ལས།
འབྱུང་སྲིད་པའི་རྟོག་ལྗོངས་མང་པོ་ཞིག་འཚངས་འོང་བས།
ནམ་མཁར་ཅེར་ནས།
གནམ་སྔོན་པོ། སྤྲིན་དཀར་པོ།
Jun/4/2017 རིག་མཛོད་རྩོམ་སྒྲིག་ཁང་དུ་ཉིན་དགུང་བྲིས།
