སྐོར་ལམ་གྱི་བུ་མོ་ཉོབ་ཏོ།
ཞོགས་པ་ཡི་ཉི་འོད་སེར་པོ།།
མཆོད་རྟེན་གྱི་ཡང་རྩེར་འགོས་བྱུང་།།
སྐོར་ལམ་གྱི་བུ་མོ་ཉོབ་ཏོ།།
གཉིད་ཁམས་རང་དྭངས་པོ་ཡོད་དམ།།
མཆོད་རྟེན་གྱི་ཁ་དོག་དཀར་པོ།།
བུ་མོ་ཡི་རངས་མདངས་དཀར་པོ།།
དཀར་མདོག་གི་བཀྲག་མདངས་ཆེ་བས།།
མིག་ཤེལ་གྱིས་བཟོད་ཐབས་མི་འདུག།།
གནག་སྣུམ་གྱི་སྐྲ་ལོ་འཇལ་འཇིལ།།
ཁེར་རྐྱང་གི་གོམ་པའི་ཏིག་སྒྲ།།
སྲབ་མཇམ་གྱི་རས་ལྭ་ལྷབ་ལྷོབ།།
སྤྱན་ཟུང་གི་མིག་ཤེལ་སྨུག་ནག།།
ལག་པ་ལ་ཕྲེང་བའང་མེད་པའི།།
སྐོར་ལམ་གྱི་རྒྱབ་གཟུགས་ཕྲ་མོ།།
འཁྱར་འཁྱོར་གྱིས་གོམ་ཟུང་བཏེག་སྟེ།།
ཅིག་ཞིག་ལ་བསམས་ནས་ཡོད་དམ།།
མཆོད་རྟེན་ལ་སེམས་པ་བསྙེས་ཏེ།།
ཁེར་སྐྱོ་ཡི་གདུང་བ་ལྕི་མོ།།
ཞོགས་པ་ཡི་རླུང་པོར་འགྲོགས་ནས།།
སེམས་ཁོངས་ནས་བྱོ་འདོད་ཡིན་ནམ།།
No comments:
Post a Comment