དེ་རིང་གི་གནམ་ངོ་ངུ་བ།

ཨ་ནི་རྩེད་ཆས་དེ་ཚོ་ངུ་རུ་ཆུགས།།

གྲྭ་པ་མདོ་མེད་དེ་ཚོ་རུལ་དུ་ཆུགས།།

དམིགས་ཡུལ་མེད་པའི་རླུང་ཁའི་ཤོག་བུ་རེད།།

ང་ཡི་གད་མོ་དེ་ཚོས་མཐོང་མྱོང་མེད།།

ཞོགས་ཆར་དྲག་ཏུ་འབབ་པའི་དུས་སྐབས་འདིར།།

སྨྲ་བའི་གསང་ཚིག་རྣོན་པོའི་ཚིག་རིས་དག།།

གཤོངས་ཀྱི་ཆུ་བོ་བཞིན་དུ་བཞུར་ས་ཞིག།།

རྩིས་འཕྲུལ་ངོས་ཀྱི་ཡིག་ཚོགས་ཁོ་ན་ཙམ།།

དེབ་དང་སྨྱུ་གུའི་གྲོགས་པོ་སྨྱོན་པ་རེད།།

སྙན་ངག་ཤོག་ངོར་འབེབས་པ་ཁེར་རྐྱང་རེད།།

དཔེ་དེབ་ངོས་ཀྱི་བསམ་བློ་ལྟ་ལོག་རེད།།

དེ་རིང་གནམ་ངོ་ངུ་བ་ནོར་བ་རེད།།

16/March/2107 གནམ་ངོ་འཁྲིགས་ཤིང་ཞོགས་ཆར་ཤག་ཤག་འབབ་སྐབས་དང་བསྟུན་ནས་བྲིས་སོ།