བུ་མོ་ནི་ལང་ཚོའི་དུས་སྐབས་ཙམ་ཞིག་རེད།

བྱུག་རྫས་ཁྲ་ཁྲ་དམར་ཁྲས།།

གདོང་གི་ཁ་དོག་བསྒྱུར་རུང་།།

སྐྱི་གཉེར་པགས་པའི་མདུད་པར།།

གཡོལ་ནས་འབྲོས་ས་འདུག་གམ།།

བྲང་གི་ནུ་བུམ་ཟུང་དེ།།

མཁྲང་ཞིང་མཁྲང་པོར་བཅོས་རུང་།།

རྙིད་དེ་ཐུར་དུ་དུད་པར།།

གཡོལ་ནས་འབྲོས་ས་འདུག་གམ།།

སྐེད་པ་འཇག་མ་འདྲ་དེ།།

ཕྲ་ནས་ཕྲ་རུ་བཏང་རུང་།།

ཚིལ་ཤ་ལྷག་ག་ལྷུག་གེར།།

གཡོལ་ནས་འབྲོས་ས་འདུག་གམ།།

རྐང་རྟིང་གྱེན་དུ་སྟེག་ནས།།

འཕོངས་ཚོས་རྡོག་རྡོག་བཅོས་རུང་།།

འཕོངས་ཤ་རྒྱགས་ཤིང་ལུག་པར།།

གཡོལ་ནས་འབྲོས་ས་འདུག་གམ།།

བརྩེ་གདུང་ཡོད་མདོག་བསྟན་ནས།།

ཟུར་མིག་ཡོན་པོར་བལྟས་རུང་།།

ཁ་རྩང་དེ་རང་འདྲ་བར།།

རྙིང་དྲི་བམ་དྲི་བྲོ་བ།།

1/18/2019