སེང་རས་ནག་པོའི་ཕག་གི་ཁ་ཆེའི་བུ་མོ།

རྟིང་པ་ཙོག་ཙོག་ཅན་གྱི་འཇུར་ཏ་ལ།།

ཕྲ་ལ་ལྡེམ་པའི་སྐེད་པ་འདྲོངས་པོ་ལ།།

འཕོངས་ཚོས་རྡོག་རྡོག་ཕྱི་རུ་འབུར་བ་ལ།།

སེང་རས་ནག་པོས་བསྒྲིབས་པ་མཛེས་སྡུག་ཅིག།

འཇམ་ཤ་དོད་པའི་ངོ་གདོང་འཇོང་པོ་ལ།།

གསང་བའི་གབ་ཚིག་རུམ་པའི་མིག་ཟུང་ལ།།

སྣ་ཁུག་ཡང་ཟོར་དོད་པའི་མཛེས་པ་ལ།།

གསེང་རས་ནག་པོས་བསྒྲིབས་པ་མཛེས་སྡུག་ཅིག།

སྨུག་མདོག་འོད་མདངས་འཁྱུག་པའི་སྐྲ་ལོ་ལ།།

མཉེན་ཞིང་འཇམ་པའི་དཔུང་པ་ཕྲ་མོ་ལ།།

མཁྲང་ཞིང་འབུར་ཟུགས་དོད་པའི་བྲང་ག་ལ།།

གསེང་རས་ནག་པོས་བསྒྲིབས་པ་མཛེས་སྡུག་ཅིག།

བ་སྤུ་སིབ་སིབ་སྐྱེས་པའི་ལུས་པོ་ལ།།

བརྩེ་བའི་གདུང་བ་རུམ་པའི་སེམས་པ་ལ།།

ལྷད་མེད་དྭངས་གཙང་ཁ་ཆེའི་བུ་མོ་ལ།།

སེང་རས་ནག་པོས་བསྒྲིབས་པ་མཛེས་སྡུག་ཅིག།

8/10/2016