མུན་པར་འཁྱུད་པ།
མུན་པ་གདངས་སུ་བཀུག་པའི་དོ་ནུབ་འདིར།།
དབྱངས་གསལ་རྡོ་ལ་རྡེབ་པའི་གྲིབ་གཟུགས་ཁྱོད།།
འཇག་མ་ཤུགས་གླུ་ལེན་པའི་འོབས་དོང་ན།།
གློག་སྒྲོན་མུན་པར་འཁྱུད་པའི་སྣེ་མོ་རེད།།
ཚེ་སྲོག་རྡུལ་དུ་བརླགས་པའི་འཐབ་རར་ཡང་།།
སུག་པ་མེ་རུ་བསྒྲོན་པའི་དཀར་ངོགས་ནས།།
མི་སྐད་ཐུར་དུ་དུད་པའི་ཁུ་ཚུར་དེ།།
སྣང་བ་ཡུད་ཅིག་ཡིན་འགྲོ་ཐལ་ལེ་བ།།
གོམ་སྒྲས་རྣ་བ་བཀད་པའི་གཅེར་བུ་བ།།
ཁྱོར་བ་གནམ་ལ་བཟེད་པའི་ཐན་ལྟས་དེ།།
བྲང་རུས་འཁྱག་ལ་འབྱར་བའི་ཀྱེ་ཧུད་ཅིག།།
ལྷང་ལ་ཕུད་འདི་ཁྱོད་ཀྱི་སྐད་པ་རེད།།
2019
No comments:
Post a Comment