བཞི་ཤད་དང་། དབུ་ཁྱུད།
སེམས་ཀྱི་སྙན་ངག་བསླས་པའི་དུས་ཚིགས་ཁྲོད།།
འཇའ་འོད་མཁའ་ལ་དེངས་པའི་རྨི་ལམ་ན།།
ཚེ་འབར་མཐོངས་སུ་མཆེད་པའི་གཏམ་རྒྱུད་འདི།།
དོ་དགོང་མལ་ས་དྲོ་བའི་གཉིད་ཐུན་ཞིག།།
ཁ་བ་གངས་ཀྱི་སྐྲ་དཀར་ཉག་མ་དེའི།།
སྲོག་གི་རྒྱུན་བུ་སྙིང་ལ་སྦྲེལ་བ་ཡང་།།
རླབས་ཀྱིས་རི་མོ་འདེད་པའི་ས་ཚིགས་འདིར།།
གོམ་པའི་སྟེགས་བུར་འཆའ་བའི་ལྔ་ལྟས་ཡིན།།
རུས་གང་རྡོ་ལ་བསྲེས་པའི་མཆིལ་མ་འདིས།།
མེ་ལོང་ནག་པོོའི་ངོས་ཀྱི་དྲེག་པ་ཡང་།།
ལྷོ་མཐའི་རྒྱ་མཚོའི་ངོགས་ཀྱི་བྱེ་ཐང་ནས།།
སྟོང་ལོ་བཅུ་དགུའི་གོམ་པས་བཀྲུས་ན་ཡོད།།
2020
ཕར་ངོགས་སྣང་ལྷང་ལ་ཕུད་ཅིག་དང་།།
སྨུ་ཐག་རྒྱུན་བུའི་མཇུག་མ་བསྲིངས་ནས་ཡོང་།།
ཁོང་གི་སྙིང་ཁྲག་གདུས་ནས་གྲབས་བྱོས་དང་།།
སྟོ་ལོ་ཉི་ཤུ་འདི་ཡང་བརྒལ་ནས་འགྲོ།།
༢༠༢༠/༡/༡ སྤྱི་ལོ་གསར་ཚེས། མཚན་དགུང་ཆུ་ཚོད་ ༡༢ ཐོག་རང་མལ་ནས་བྲིས།
No comments:
Post a Comment