ལག་གཡུག་ཅིག
གཏན་ཚིགས་གྱོང་པོ་དེས་མགོ་བོ་བརྡུངས་བརྡུང་ནས།།
ཚོར་སྣང་ཐན་ཐུན་གྱི་སྐད་ཆ་བརྗེད་དེ་ཐལ།།
གློག་འོད་ཁྲ་ཁྲ་དེས་མགོ་སྐོར་བཏང་བཏང་ནས།།
ང་དང་སྙན་ངག་གི་འབྲེལ་བ་རྦད་དེ་ཆད།།
ཀ་མད་སུམ་ཅུ་ཡི་གྲིབ་གཟུགས་ཉུལ་ཉུལ་ནས།།
ཁྱེད་ཚོར་ཨ་ལན་གྱི་ལག་གཡུག་གཅིག་ཀྱང་མེད།།
སོར་མོ་ལྔ་པོ་དེས་དྲ་འབུ་བཏགས་བཏགས་ནས།།
མཐེ་བོང་བཀར་རྒྱུ་ཡང་དྲན་པ་བརྗེད་དེ་ཐལ།།
གྲམ་ཐང་ས་རྡུལ་དེ་འཕྱག་ཞོར་བྲུག་ཞོར་ནས།།
ལྷགས་པ་འཇབ་བུ་དེ་ཚུར་ཚུར་ཅེར་ཞིང་འོང་།།
སྒོ་མོའི་སྲུབས་ཀ་དེ་དར་གྱིས་མདུད་ན་ཡང་།།
ལྷགས་པའི་ཤག་སྒྲ་དེས་རྣ་བར་གཙེས་པ་མང་།།
2020
No comments:
Post a Comment