འཁྲུལ་སྣང་།
གསོག་གསོབ་དང་མི་བདེན་པའི་སྤྲིན་དཀར་ཕུང་པོ།
ཚུར་ཚུར་ཅེར་འོང་ནའང་།
ཨ་མའི་འཛུམ་ཞལ་སྒོར་མོ་སྟེ།
འོད་ཀྱི་ཕུང་པོ་དེ་དྭངས་ཤིང་གཙང་བས།
མདུན་དུ་བསྐྱོད།
ངོ་གདོང་དེ་རེས་གསལ་རེས་མོག་ཅིག་གིས།
དྲན་སྣང་ཐར་ཐོར་ཞིག་བཏབ་འོང་ནའང་།
དེ་དང་འདི་ཡིན་གྱི་མཛུབ་མོ་ཀེར་ས་ཞིག་མེད་སྐབས།
འོད་ཀྱི་ཕུང་པོ་སྟེ།
ཐོ་རེངས་ཀྱི་དྭངས་གཙང་གི་དུང་ཟླས།
མ་ཡུམ་དེའི་མིག་ཟུང་བཞིན།
བརྩེ་བ་དང་དགོད་པ་ཁོ་ནས་གཏམས་འོང་།
དུས་སྐབས་དེ་འདྲ་ཞིག་གིས་རྐྱེན་པས།
སྐྱེས་མ་དེའི་ངོ་གདོང་།
དྭངས་ཤིང་གཙང་བའི་འོད་ཀྱི་ཕུང་པོ་དེ་བཞིན།
བརྩེ་བ་དང་དགོད་པ་ཁོ་ན་ཡིན་ནའང་།
བྲེལ་སྣང་ཞིག་གིས།
ནང་ཡང་ནུབ་ཏུ་བཞུད་དགོས་དོན་དེས།
ང་ཚོ་རེ་རེ་རྒྱབ་ཏུ་བསྐྱུར་ཡོང་གིན་འདུག
No comments:
Post a Comment