ནུབ་བཞུད་ཀྱི་ཆུ་འཛིན་ཕོན་པོ།

མཚན་སྨག་འོག་ནས་དྲག་ཆར་ཤག་ཤག་བབས།

ཉིན་དེའི་ཞོགས་པའི་ཐོ་རེངས་དུས་སུ།

ནམ་མ་གསལ་གོང་ནས།

རྒྱ་ཕིབས་དང་གསེར་ཏོག་ཀྲོང་ངེར་འགྲེངས་པའི་ལྷིང་འཇགས་དེ།

མཁར་རྔ་ཁོ་ནས་དཀྲོགས་སོང་།

ང་ཚོའི་མིག་ཟུང་ནི་མཚན་སྨག་ཅིག་དང་འདྲ་བར་གཟིམས་ཚར་ནའང་།

མིག་ཆུའི་རྒྱ་མཚོ་ཁོ་ནས་རླབས་སྒྲ་ཤག་ཤག་གྲག་འོང་།

མཆོད་སྟེགས་ན་མེ་ཏོག་དང་བདུག་སྤོས་ཙམ་ཞིག།

ད་དུང་། སྐྱེས་ཆེན་ཞིག་གི་མཚན་བྱང་དེར་ངུ་འདེད་ཅིག།

6/4/2019 སྐྱེས་ཆེན་ཞིག་ཞི་བར་གཤེགས་ནས་ལོ་ངོ་བཅུ་འཁོར་བའི་རྗེས་དྲན་དུ་ཕུལ།