ཤེས་ལྡན་པས་”དཔེ་ཆ་”གླེང་བ།
དཔེ་ཆ་ནི་མིའི་རིགས་ཀྱི་རིག་གནས་གྲུབ་འབྲས་ཀྱི་ཟིན་ཐོ་དང་ཤེས་བྱའི་འབྱུང་ཁུངས་
ཡིན་པས།
ཤེས་ལྡན་པ་རྣམས་ཀྱིས་དཔེ་ཆ་ནི་མིའི་རིགས་ཡོངས་ཀྱི་དགེ་བའི་བཤེས་
དང་མཛའ་བའི་གྲོགས་ཡིན་ཞེས་གསུངསཡོད།
ཧྲ་ཧྲི་པིས་ཡས་”དཔེ་ཆ་ནི་འཛམ་གླིང་ཧྲིལ་པོའི་འཚོ་བཅུད་རེད།
འཚོ་བའི་ཁྲོད་དུ་དཔེ་ཆ་མེད་ན་ཉི་འོད་མེད་པ་དང་འདྲ་ལ། འགྲོ་བ་མིའི་བློ་གྲོས་དཔེ་ཆ་དང་དང་བྲལ་ན་བྱིའུ་ལ་གཤོག་པ་མེད་པ་དང་འདྲ་”ཞེས་གསུངས་ཡོད།
མུས་ཨར་ཏུན་གྱིས་”ཕུལ་ཏུ་བྱུང་བའི་དཔེ་ཆ་ནི་མི་འཇོན་ཐང་ཅན་གསོ་བྱེད་ཀྱི་འོ་མ་ལྟ་བུ་ཡིན།
མིའི་རིགས་ཀྱིས་དཔེ་ཆ་ནི་དཀོན་ནོར་བཞིན་ཉར་ཚགས་བྱ་ཐུབ་ན་མིའི་རིགས་ཀྱི་འཚོ་བ་རིམ་བཞིན་འཕེལ་རྒྱས་སུ་འགྲོ་ཐུབ་” ཅེས་གསུངས།
ཧྤོ་ཨར་ཐར་གྱིས་”དཔེ་ཆ་ལེགས་པོ་ཞིག་ཀློག་འདོན་བྱེད་སྐབས་བློས་ཐུབ་གྲོགས་པོ་ཞིག་གི་ཁ་བརྡ་ལ་ཉན་པ་དང་འདྲ་”
ཞེས་གསུངས།
ཏེ་པའོ་ལིས་ཀྱིས་”དཔེ་ཆ་ནི་ང་ཚོ་སྐྱེད་སྲིད་བྱེད་པའི་དགེ་རྒན་བཟང་པོ་ཞིག་ཡིན།
དེས་གཅར་རྡུང་མི་བྱེད་ལ་སྨོད་པ་ཡང་མི་འབོར་བར་མ་ཟད། སློབ་ཡོན་ཡང་མི་ལེན་པ་རེད་” ཅེས་གསུངས།
ཕའེ་ཀུན་གྱིས་”དཔེ་ཆ་ནི་དུས་རབས་ཀྱི་རྦ་རླབས་ཆེན་མོས་དེད་པའི་བསམ་བློའི་གྲུ་གཟིངས་ཡིན།
ཁོས་སེམས་ཆུང་དང་གཟབ་ནན་གྱིས་མི་རབས་ནས་མི་རབས་ལ་རིན་ཐང་ཅན་གྱི་ཚོང་ཟོག་སྐྱེལ་འདྲེན་བྱེད་བཞིན་ཡོད་”ཅེས་གསུངས།
ཡུས་ཀོས་”ནམ་རྒྱུན་དཔེ་ཆ་བཟང་པོར་ལྟ་ཀློག་བྱས་ན་ནོ་འཁྲུལ་གང་མང་ཞིག་མེ་ལ་བསྲེགས་པ་བཞིན་རྩ་མེད་དུ་གྱུར་འགྲོ་”ཞེས་གསུངས།
ཆན་སི་མ་ཨ་སི་ཡིས་”དཔེ་ཆ་བཟང་པོ་ནི་ནམ་ཡང་དྲི་མ་མེད་པའི་སྣོད་བཞིན་བསམ་བློའི་ཉིང་བཅུད་ཉར་ཚགས་བྱས་ཡོད་”ཅེས་གསུངས།
ཝེ་ཕི་ཨར་གྱིས་”དཔེ་ཆ་ནི་དུས་ཚོད་ཀྱི་རྒྱ་མཚོ་ཆེན་པོའི་དབུས་ན་འགྱིང་བའི་སྒྲོན་སྟེགས་རེད་”ཅེས་གསུངས།
ཐའོ་ཨར་སི་ཐར་གྱིས་”ཁྱད་དུ་འཕགས་པའི་དཔེ་ཆ་ནི་ཤེས་རིག་གི་ལྡེ་མིག་ཡིན་”
ཞེས་གསུངས།
ཀུ་ཏི་ཡིས་”དཔེ་ཆ་བཟང་པོ་ཞིག་ཀློག་པ་ནི་མི་ཡ་རབས་ཤིག་ལ་ཁ་བརྡ་བྱེད་པ་དང་མཚུངས་”
ཞེས་གསུངས་ཡོད་དོ།།
No comments:
Post a Comment