ཟུར་གྱིས་བལྟས་པ།
ཕ་རོལ་རྒྱབ་རོལ་ཞིག་ལ་བོས་ཤིག་དང་།།
ཡིན་ཡིན་ཡོད་ཡོད་འདྲ་ཞིག་མཐོང་ནས་ཡོང་།།
གསོལ་ལོ་མཆོད་དོ་འབུལ་ལོ་ཕུལ་ཅིག་དང་།།
དགྱེས་དགྱེས་འདྲ་ཞིག་རྟོག་པས་ཐོགས་ཀྱང་སྲིད།།
མངར་སྐྱུར་ཁ་བའི་དུད་སྤྲིན་ཐོངས་ཤོག་དང་།།
རྡོ་ཡི་ཕུག་གི་ལྷ་འདྲེ་ཐོན་ནས་ཡོང་།།
རས་དང་ཐག་པས་ལྗོན་པ་སྡོམས་ཤོག་དང་།།
མེ་ལྷ་ཤིང་ལྷ་སྐམ་པོ་བུད་རེ་སྲིད།།
ཀི་ཀི་བསྭོ་བསྭོའི་འབོད་སྒྲ་སྒྲོགས་ཤོག་དང་།།
བར་སྣང་ལྷ་བཙན་འདྲེ་བཙན་སད་ནས་ཡོང་།།
བར་བསམ་སྒྲོལ་གསུམ་རླུང་ལྷར་སྐུར་ཤོག་དང་།།
འཕྲུལ་གྱི་རླུང་རྟའི་ཆར་པ་འབབ་རེ་ཀན།།
No comments:
Post a Comment